Dat Buurnweit vam Dönberch

Et woar es en Buur, dä hadden en Weit. Dat Weit woar nit om Kopp gefallen, awwer eenes Dages mauten et nom Doctor. Et woar jo nit ad soa wea fröher, dä Doctor wönnten nit wiet vam Hoff wech, trotzdämm, et Weit foahr medm Auto. Getz hadden se ears föar en paar Moanden en de Ömduscherie vam Merkel de Ömduuschprämie gekregen, ganze 2500 Euros kreeten se föar eahren aulen Ommega. Un getz hadden se en schaönen Citroen, nagelnüe enne Garasch stonn. Et Dagsöwer, ook em Wengder sooten et med eahrem Kääl noh biem Citroen un passten op dat Auto op. Angern Morgen saiten dat Weit. „Eck weet nit, eck glöw eck häv meck verköllt…, eck mod alle fottlangs nom Klo.“ De Buuren hadden om Dönberch noh emmer en Hüüsken om Hoff, do leep en alle parr Minütt hen. Dä Aule mienten tu sinn Weit, datt et do enns nom Doctor sollten. Dat daten et ook, am angern Morgen soot et enne Sprechstongde. Et duurten ook nit lang, do koom et draan.
„Liebe Frau, was haben wir denn?“, saiten dä Doctor, „eck weet nit Herr Doctor, eck mood duurnd om Klo, eck häv meck bestemmt verköllt, vie setten jo ook dä ganze Dag dobutten bie user nüe Auto anne Garasch…!“ saiten dat Weit. „Dann müssen wir mal eine gründliche Untersuchung machen…!“, dä Doctor, „bitte geben Sie morgen Früh ihren Urin ab, und Ihren Stuhl brauchen wir auch.“ und gab ihr einen Urinbecher.

Owes enne Stoow, dat Weit föar eahrem Kääl: „Eck sall Urin affgewen. Doföar hannt se meck son Dösken gegewen. Eck häv däm Doctor ook gesait, dat vie emmer druuten setten, un do mienten hä, eck sall ook minnen Stohl medbrengen.“ Dä Buur: „Dann dö dat ook, nemm en med!“

Angern Morgen wear biem Doctor. „So, hie es min Urin un dä Stohl es no em Auto, sall eck en rienhoalen?“ „Sicher“, saiten dä Doctor, „sönst können wir ihn nicht untersuchen.“ Dat Weit geng nom Auto un hollten dä Stohl. „Liebe Frau, da haben wir uns aber mißverstanden, den alten Gartenstuhl meine ich nicht.“ „Ja wat dann?“, dat Weit. „Ich meine ihre Ausscheidungen, ihre Sch….!“ „Woröm saien sie dat dann nit gliek“, bollerten de Aulsche, „eck koom morgen wear.“

Et woar noh kranaten-wütend, as et tuhuus woar. „Getz welle usere Driete hann, dann fahr eck awwer nit med däm nüen Auto. Am angern Dag woar et schaon fröh op de Been. Un stong as dä Doctor koom föar de Döör. Dä Doctor mackten en Gesecht als op hä getreeden woarden wöar. „Soa, Herr Doctor, eck sieh medm Trecker do un om Aanhänger häv eck usere Driete medgebrait!“